Қазақстанның тағы бір өзенінде су деңгейі көтеріліп жатыр: синоптиктер ескерту жасады

Қазақстанның тағы бір өзеніндегі су деңгейінің көтерілуіне байланысты синоптиктер бір күн бұрын дауылдық ескерту жариялады. Метеорологтардың мәліметінше, Іле өзенінің гидрологиялық бекетінде – Қапшағай су электр станциясынан 164 километр жоғары – Қытай Халық Республикасы аумағынан ағын судың көбеюінен су деңгейінің күрт көтерілуі байқалады. Бір күн бұрын су деңгейі 498 см (қауіпті деңгей – 500 см) болған. Гидрологиялық станцияда су деңгейінің одан әрі көтерілуі, қауіпті межеден асуы мүмкін екені баса айтылды. "Су деңгейі шекті деңгейден асқан кезде өзендердің жайылма учаскелерінде орналасқан елді мекендерді, шаруашылық құрылыстарын және жергілікті маңызы бар жолдарды су басу қаупі сақталады", - деп ескертті "Қазгидромет" РМК өкілдері.