«Баланы осылай еркелету керек»: Сәкен Майғазиевтің ауылдағы жылы сәті жұртты елжіретті

Танымал әнші Сәкен Майғазиев ауылда жақындарының ортасында болған сәтін әлеуметтік желіде бөлісіп, көпшіліктің ыстық ықыласына бөленді. Видеода өнер иесі кішкентай балақаймен шынайы мейірімге толы қарым-қатынас жасап, оны жылы сөздерімен еркелетіп тұрғаны көрінеді, деп хабарлайды Politico.kz

Қарапайым ғана көрінетін бұл сәт желі қолданушыларының жүрегін жаулап алды. Көпшілік Сәкен Майғазиевтің балаға деген ілтипаты мен құрметін ерекше атап өтті.

«Баланы еркелетсе, Сәкен ағамыз сияқты еркелету керек», «Міне, баланы осылай сүйіп өсіру қажет» деген пікірлер қарша борады.

Оқырмандар әншінің мейірімді мінезіне тәнті болып, оның әр сөзінен жылылық сезілетінін жазды.

«Қандай әдемі еркелту», «Ағатайы жақсы еркелетеді», «Немере сүюге жазсын» деп ақ тілектерін жолдады.

Бұл видео көрерменге ата-ана мен үлкендердің балаға деген махаббатының қаншалықты маңызды екенін тағы бір еске салды. Шынайылық пен мейірімге толы осы бір сәт желіде ұзақ уақыт талқыланып, көпшілікке жылы әсер сыйлады.

бала тәрбиесі МузАРТ Сәкен Майғазиев әнші