«Бәрінен құтылатын жыл»: Танымал нумеролог 2025 жылға болжам жасады

Танымал нумеролог Клара Күзденбаева 2025 жыл қандай болатынына болжам жасады, деп хабарлайды Skifnews.kz ақпарат порталы.

«2025 жыл тоғыздықтың жылы. Нумерологияда тоғыздық дегеніміз не? Тоғыздықта 0-ден бастап 9-ға дейінгі сандардың бәрі шоғырланған. Сондықтан 2025 жылы жақсыға лайық әрекеттердің барлығы орындалуы тиіс. Сондықтан, бұл жыл қорытынды жасау жылы болмақ.

Барлық жамандықтан құтылу керек, міне бұл жыл соның жылы. Мысалы, керексіз киім-кешек, сізді алдыға емес, керісінше, төменге қарай тартатын қажетсіз қарым-қатынастың бәрінен құтылу керек. Яғни, бәрінен қорытынды шығаруымыз керек. Сол сияқты бұл жылға ойын ретінде қарауымыз керек. Бұл дегеніміз қажетсіздің бәрінен, әсіресе сізге кері әсер ететін барлық зат пен қатынастан құтылуымыз қажет. Сондықтан 2025 жыл биылғы жылға қарағанда әлдеқайда жақсырақ жыл болады», — деді  нумеролог.