Бектенов қазақ тілінде баяндама жасағаны үшін вице-министрді мақтады (ВИДЕО)

9 желтоқсан 2025, 11:56 2603

Бектенов қазақ тілінде баяндама жасағаны үшін вице-министрді мақтады (ВИДЕО) — Фото: видеодан скрин

Үкімет отырысында премьер-министр Олжас Бектенов жасанды интеллект және цифрлық даму вице-министрі Ростислав Коняшкиннің қазақ тілінде жасаған баяндамасына жоғары баға беріп, мақтады, деп хабарлайды POLITICO.

Коняшкин трибунаға көтерілген сәттен бастап көлік-транзит саласына цифрлық шешімдерді енгізу туралы баяндамасын толық қазақ тілінде оқып берді. Бұл Бектеновтің оң пікіріне ие болды.

«Қазақ тілінде жақсы баяндадыңыз. Дұрыс, үйрену керек», – деді Олжас Бектенов.

Айта кетейік, Ростислав Коняшкин – мемлекеттік тілде сөйлегені үшін үкімет басшысының мақтауына ие болған алғашқы шенеунік емес. Бұған дейін Бектенов Дмитрий Мунды да қазақ тілінде баяндама жасағаны үшін «сөзінде тұратын адам» деп атап өткен болатын.

баяндама Олжас Бектенов Қазақ тілі Үкімет отырысы

Бізді Google-дың негізгі дереккөздер тізіміне қосыңыз

Қосу

Бектенов қазақ тілінде баяндама жасағаны үшін вице-министрді мақтады (ВИДЕО)

Соңғы жаңалықтар