«Бір емес, үш қуаныш»: Мөлдір Мұқан сүйінші жаңалығын бөлісті

Продюсер әрі әнші Мөлдір Мұқан әлеуметтік желіде отбасындағы қуанышты жаңалығымен бөлісті, деп хабарлайды Politico.kz.

Өнер иесінің жариялаған видеосында әнші Жазира Байырбекова олардың шаңырағында бірден бірнеше қуанышты оқиға болып жатқанын айтты.

«Мөлдірдің шаңырағында үлкен қуаныш! Бір қуаныш емес, үш қуаныш. Бірі мектеп бітіріп жатыр, бірі университет тәмамдап жатыр, ал тағы бірі сүндетке отырып, мектеп табалдырығын аттағалы тұр. Қандай бақытты анасың! Аллаға шүкір! Осы бақытың еселене берсін», – деді Жазира Байырбекова.

Өз кезегінде Мөлдір Мұқан алдағы тойға дайындық қызу жүріп жатқанын жеткізді.

«Әр шаңырақта осындай той болсын! Өте қуаныштымыз! Қандай той болғалы жатқанын жасырып жүрген едім. Жазоктай айтып қойды. Тойға қатысты ұсыныстарыңызды тыңдауға әзірмін», – деп жазды әнші.

Желі қолданушылары өнер иесін құттықтап, ақ тілектерін жаудырып жатыр.