Биылғы ақпанда көпбалалы отбасылар 39 млрд теңгеден астам сомаға жәрдемақы алды

Бұл туралы ҚР Еңбек және халықты әлеуметтік қорғау министрлігінің баспасөз қызметі хабарлады. Баспасөз қызметінің мәліметтеріне қарағанда, бұл мемлекеттік жәрдемақыға 4 және одан да көп бірге тұратын кәмелетке толмаған немесе 23 жасқа дейінгі күндізгі бөлімде оқитын студент балалары бар отбасылар табысына қарамастан үміткер бола алады. Төлем мөлшері бала санына қарай есептеліп төленеді және 2024 жылы: - 4 баласы бар отбасыларға – 16,03 АЕК немесе 59 183 теңге; - 5 балаға – 20,04 АЕК немесе 73 988 теңге; - 6 балаға – 24,05 АЕК немесе 88 793 теңге; - 7 балаға – 28,06 АЕК немесе 103 598 теңге; - 8 және одан да көп баласы бар отбасыларға – әр балаға 4 АЕК немесе 14 768 теңге мөлшерінде төленеді. 2024 жылғы 1 қаңтардан бастап балалы отбасыларға тағайындалатын мемлекеттік жәрдемақылардың мөлшері 7%-ға артқанын атап өтеміз. Биыл көпбалалы отбасыларға мемлекеттік жәрдемақы төлеуге 474,8 млрд теңге қарастырылған.