Блогер Қанат Әлімбаев 10 жылға сотталды

Қостанай облысының Арқалық қаласында жергілікті билікті сынап танылған «Арайлы Арқалық» YouTube арнасының авторы Қанат Әлімбаев әйелдерге жыныстық зорлық-зомбылық көрсеткені үшін 10 жылға бас бостандығынан айырылды, деп хабарлайды Tobolinfo.kz.

Биыл сәуір айында құқық қорғау органдары арқалықтық блогердің үстінен бірқатар қылмыстық іс қозғалғанын мәлімдеген болатын. Тергеу деректері бойынша ер адам қарызға ақша алған әйелдерден төсек қатынасына түсуді талап етіп, бас тартқан жағдайда оларға күш қолданып қорлаған.

Мамыр айында Арқалық қалалық соты атышулы іс бойынша үкім шығарып, Қанат Әлімбаевты бірнеше бап бойынша кінәлі деп таныды. Оған Қылмыстық кодекстің «зорлау», «жыныстық қатынасқа мәжбүрлеу» және «жыныстық сипаттағы зорлық-зомбылық әрекеттеріне» қатысты айыптар тағылған.

Түрме жазасы кесілген айыпталушы үкіммен келіспейтінін білдіргендіктен оның адвокаты қазірдің өзінде апелляциялық шағым түсіріп үлгерді.

Блогер Зорлық-зомбылық Сот шешімі Қанат Әлімбаев Қостанай облысы

Блогер Қанат Әлімбаев 10 жылға сотталды

Соңғы жаңалықтар