Блогерлерге ескерту: Министрлік блогерді қатаң бақылауға алмақ

ІІМ қазақстандықтарды пранктерден бас тартуға шақырды

Қазақстанда сәтсіз пранктер мәселесі күшейгендіктен, Ішкі істер министрлігі арнайы видео жазып, қазақстандықтарды пранктерді ұйымдастырмас бұрын мұқият ойлануға шақырды

ІІМ ресми өкілі Шыңғыс Әлекешевтің айтуынша, қоғамдық тәртіпті өрескел бұзғаны, дүрбелең туғызғаны немесе зиян келтіргені, сондай-ақ адам абыройын қорлағаны үшін әкімшілік және қылмыстық жауапкершілік қарастырылған. Жыл басынан бері 24 "әзілкеш" жауапкершілікке тартылды.

Өкінішке орай, лайктар мен қаралымдарды қуу көбінесе әзіл мен зиянсыз ойын-сауық шеңберінен шығып кетеді. Авторлар мейірімді контенттің орнына агрессияға, арандатуға, зорлық-зомбылықты сахналауға және өз өміріне, сондай-ақ айналадағы адамдардың өміріне қауіп төндіруге барады.