Бүркіт пен Аишаның қазақы кілемі жаңа жылдық атмосфераны айшықтады

Танымал әнші жұп Бүркіт пен Аиша жаңа жылға дайындық барысында үйлеріндегі қазақы нақыштағы кілемді көрсетіп, көпшіліктің ыстық ықыласына бөленді. Ерлі-зайыпты өз парақшаларында ұлттық қолөнермен тоқылған кілемнің үстінде би билеп жүрген сәтін жариялаған, деп хабарлайды Politico.kz

Бейнежазбадан олардың үйіндегі ұлттық нақыш пен заманауи мерекелік көңіл күй үйлесім тапқанын байқауға болады. Қазақша ою-өрнекпен көмкерілген кілем жаңа жылдық безендіруге ерекше сән беріп, үй ішіне жылулық пен ұлттық рух сыйлаған.

Желі қолданушылары өнерлі жұптың бұл бастамасын жылы қабылдап, қазақы құндылықтарды дәріптегені үшін алғыстарын білдірді.
Оқырмандар:

«Қандай тамаша», «Қазақтың иісі шығып тұр», «Жарайсыңдар», «Күшті керемет», «Тамаша шығыпты», «Өте жарасымды жұп» деп пікір қалдырды.

Көпшілік Бүркіт пен Аишаның ұлттық дүниелерді күнделікті өмірде қолдануы жастарға үлгі екенін атап өтті. Бұл көрініс жаңа жылды қазақы рухта қарсы алуға болатынын тағы бір мәрте көрсетті.