Данияр Мейірхан қызметінен уақытша шеттетілді

Әлеуметтік желілерде Данияр Мейірхан қатысты қылмыстық іс қозғалғаны туралы ақпарат тарады. Аталған жағдайға қатысты түсініктемені Қазақстан Ішкі істер министрлігі берді, деп хабарлайды Politico.kz.

Не болды?

Бұған дейін интернетте Астана қаласында Есірткі қылмысына қарсы іс-қимыл комитетінің төрағасы Данияр Мейірханға қатысты қылмыстық іс қозғалғаны туралы ақпарат пайда болған.

Сондай-ақ оған бағынысты 20 қызметкерден ұжымдық арыз түскені хабарланған.

ІІМ не дейді

ІІМ мәліметінше, қызметкерлердің бірқатар өтініштері негізінде материалдар заңнамаға сәйкес тіркелген.

"Сұрауыңызда көрсетілген тұлға тексеру жүргізу кезеңінде қызметтік міндеттерін атқарудан шеттетілді", — деді ведомство өкілдері.