Димаш Құдайбергеннің қарындасы тұрмысқа шығуға дайындалып жатыр

Әлемге танымал әнші, Қазақстанның Халық әртісі Димаш Құдайбергеннің қарындасы, блогер Раушан Құдайберген жуырда тұрмысқа шықпақ, деп хабарлайды POLITICO.KZ.

Бұл жаңалықты ол сырға салу рәсімі күні ағасымен бірге түскен суретін жариялау арқылы көпшілікке жеткізді.

Раушан Instagram парақшасында ағасымен түскен суретті үш жүрек белгісімен бөлісті. Желі қолданушылары бұл көрініске жүрекжарды пікірлерін жазып, өздерінің ақ тілектерін жаудырды.

«Неткен сұлулық!», Димаштай ағасы бар Раушан бақытты», Димаш суретте күліп тұрғанымен, іші күйіп барады ғой», – деп жазды желі қолданушылары.

Раушанның бұл қуанышты сәті әлеуметтік желіде кеңінен тарап, көпшіліктің жылы лебізіне ие болды.

Фото instagram.com/raushan_kudaibergen