Димаштың әулетінде той болмақ

Жақында Айтбаевтар әулетінде қуанышты оқиға болатынын Димаш Құдайбергеннің анасы, белгілі әнші Светлана Айтбаева, тележүргізуші Динара Сәтжанның "100 сұхбат" жобасында мәлімдеді, деп хабарлайды POLITICO.KZ.

Ол сұхбат барысында отбасы мүшелерінің жетістіктеріне тоқталып, алдағы тойдың себептерін атап өтті.

Светлана Айтбаеваның айтуынша, балаларының өмірінде маңызды кезеңдер орын алуда. Димаш есейіп, өзінің шығармашылық жолында үлкен жетістіктерге жетті. Қызы Раушан биыл оқуын аяқтап, дәрігерлік мамандықты таңдауды жоспарлап отыр. Ал кіші ұлы Мансұр 18 жасқа толды. Осылайша, отбасы мүшелерінің өміріндегі осы маңызды оқиғалар алдағы тойдың негізі болмақ.

Сондай-ақ, Светлана Айтбаева Димаштың қазіргі өмір салты туралы айтып өтті. Ол Астанада ата-анасымен бірге тұрса да, жұмыс бабымен жиі шетелге шығады. Димаштың бір айда ұшақта өткізетін уақыты 78 сағатқа жететінін атап өтті. Ата-анасы оған демалуға кеңес беріп отырады.

Айтбаевтар әулетінің алдағы тойы туралы нақты мәліметтер әлі жарияланбағанымен, жанкүйерлері мен жақындары бұл қуанышты жаңалықты асыға күтуде.