Дмитрий Песков: Путин Зеленскиймен келіссөздерге дайын

Ресей президенті Владимир Путин Украина басшысы Владимир Зеленскиймен келіссөздер жүргізуге дайын, деп хабарлайды POLITICO.KZ.

Бұл туралы Кремльдің баспасөз хатшысы Дмитрий Песков мәлімдеді. Оның айтуынша, Ресей тарапы келіссөздерден бас тартпайды, бірақ Зеленскийдің легитимділігі мәселесі де қарастырылуы керек.

"Путин өзі бірнеше рет келіссөздер өткізуге дайын екенін айтқан. Бірақ бұл мәселені заңды түрде бекіту мен талқылау керек. Зеленскийдің заңды мәртебесі жайлы сұрақтар туындап отыр", – деді Песков.

Сарапшылардың пікірінше, Кремль Зеленскийдің легитимділігіне күмән келтіре отырып, келіссөздерді өз шарттарымен өткізуді көздеуі мүмкін.

Қазіргі уақытта Ресей-Украина арасындағы келіссөздер ресми түрде басталған жоқ. Алайда Эр-Риядтағы америкалық және ресейлік делегациялардың кездесуі бұл процестің алғашқы қадамы болуы мүмкін.