Екі министр болмайды: Жасанды интеллект министрлігі Цифрлық даму министрлігінің базасында құрылады

Цифрлық даму, инновациялар және аэроғарыш өнеркәсібі вице-министрі Қаныш Төлеушин жаңадан құрылатын Жасанды интеллект министрлігіне қатысты түсінік берді, деп хабарлайды POLITICO.KZ.

Вице-министрдің айтуынша, екі бөлек министрлік болмайды, яғни екі министр тағайындалмайды. Жаңа мекеме қазіргі Цифрлық даму министрлігінің негізінде құрылады.

«Бізде бір ғана министрлік бар — Цифрлық даму, инновациялар және аэроғарыш өнеркәсібі министрлігі. Осы министрліктің негізінде жаңасы құрылады, сондықтан екі министр болмайды, бір ғана министр болады. Ол кім болатыны менің құзыретіме кірмейді», — деді Қаныш Төлеушин журналистерге.

Еске сала кетсек, Жасанды интеллект министрлігін құру туралы тапсырманы Президент Қасым-Жомарт Тоқаев Қазақстан халқына арнаған соңғы Жолдауында берген болатын.

#ЖИ #Қаныш Төлеушин