Елдің қуаты халықта екенін еске салған Тоқаев бос сөзден аулақ болуды ескертті

Бүгін Қызылорда қаласында өтіп жатқан Ұлттық құрылтайдың V отырысында Мемлекет басшысы Қасым-Жомарт Тоқаев мемлекеттік жоспарлау саясатына қатысты маңызды мәлімдеме жасады, деп хабарлайды Politico.kz

Президент қағаз жүзіндегі әдемі стратегиялардан гөрі, өмір шындығына негізделген нақты қадамдарды талап етті.

— Кез келген мемлекеттің күші — халықта. Азаматтарымыздың жасампаздық қуатының арқасында еліміз кез келген кедергі мен тосқауылға қарсы тұрып, орасан зор табысқа жететініне кәміл сенемін. Өздеріңіз білесіздер, мен түрлі жоспарлар құрып, стратегиялар жасауды құптай бермеймін. Себебі бос қиялға беріліп, құрғақ уәде беруге қарсымын. Болашаққа бағдар жасап, жоспар құрғанда өмірге шынайы көзқараспен қараған жөн, — деді Қасым-Жомарт Тоқаев.

Сонымен қатар жиын барысында көпшілікті толғандыратын өзекті тақырыптардың бірі – жеңілдетілген несие беру мәселесі көтерілді.

Қасым-Жомарт Тоқаев Қызылорда Ұлттық құрылтай