Халықтың ақшалай табысы 11,8%-ға өсті

Биылғы жылдың бірінші тоқсанында қазақстандықтардың жан басына шаққандағы орташа табысы айына 252 619 теңгені құрады. Бұл туралы ҚР СЖРА Ұлттық статистика бюросы хабарлады, деп жазады Politico.kz.

Бұл былтырғы жылдың сәйкес кезеңімен салыстырғанда 11,8 пайызға жоғары. Алайда инфляцияны ескергенде, халық табысының нақты өсімі небәрі 0,1 пайыз деңгейінде қалған.

Еліміз бойынша ең көп табыс табатындар Алматы қаласында тұрады. Мұндағы халықтың орташа кірісі 408 182 теңгеге жеткен. Одан кейінгі орында 353 036 теңгемен Ұлытау облысы тұр.

Өткен жылдың тиісті тоқсанымен салыстырғанда атаулы ақшалай табыстың ең үлкен өсімі Алматы облысында 19,1 пайыз және Қарағанды облысында 16,4 пайыз тіркелді.

Жалақы Табыс Қазақстан Ұлттық статистика бюросы

Халықтың ақшалай табысы 11,8%-ға өсті

Соңғы жаңалықтар