Халықтың қаражатын жымқырған Перизат Қайраттың соты тікелей эфирде өте ме?

Қайырымдылық қорының ақшасын жымқырды деп айыпталған Перизат Қайраттың соты онлайн көрсетілуі мүмкін, деп хабарлайды POLITICO.KZ.

Жоғарғы сот «Біз біргеміз» қайырымдылық қоры арқылы анасымен бірге қомақты қаражат жымқырды» деп күдікке ілінген Перизат Қайраттың сотын қандай жағдайда тікелей эфирден көрсету арқылы ашық жүргізетіндерін айтты.

«Біз біргеміз» қайырымдылық қорының негізін қалаушылардың бірі — Перизат Қайраттың істері сотқа түспеген. Перизат Кайраттың соңғы қылмыстық ісі сотқа келіп түскен жағдайда, қоғам тарапынан, заңгерлер қауымынан сондай сұраныс болса, сот отырыстарын тікелей эфирде көрсету мәселесі қарастырылуы мүмкін, — делінген Жоғарғы соттың жауабында.