Көкшетауда жалғызбасты ананы қағып өлтірген жүргізуші ұсталды

10 мамыр 2026, 12:59 1663

Көкшетаудағы жантүршігерлік жол апатынан кейін қылмыстық іс қозғалды

Көкшетауда жалғызбасты ананы қағып өлтірген жүргізуші ұсталды, деп хабарлайды Politico.kz.

Көкшетауда әйелді көлікпен қағып, өліміне себеп болған жүргізуші ұсталып, уақытша ұстау изоляторына қамалды. Бұл туралы Ақмола облыстық полиция департаменті хабарлады.

Қайғылы оқиға қаладағы шағынаудандардың бірінде болған. Әлеуметтік желіде тараған видеода жол талғамайтын көлік бұрылыста әйелді қағып кеткені көрінеді. Оқиғадан кейін әйел көліктің астында қалған.

Үй тұрғындарының айтуынша, көз жұмған әйел 12 жастағы баласын жалғыз тәрбиелеп келген.

Аталған жол апатына байланысты қылмыстық іс қозғалып, тергеу басталды.

Көкшетаудағы жантүршігерлік жол апаты: Аулаға кірген көлік әйелді басып кетті (ВИДЕО)

ШҚО-да жұмысшы 9 метр биіктіктен құлап көз жұмды

Адам өлтіру күдікті Тергеу Қамауға алу

Бізді Google-дың негізгі дереккөздер тізіміне қосыңыз

Қосу