Көкшетауда бүтін бір отбасы ыс тиіп, уланып қалды

3 наурыз 2026, 11:25 1140

Көкшетауда бүтін бір отбасы ыс тиіп, уланып қалды — Фото: Sputnik / Владислав Воднев

Көкшетау қаласында 33 жастағы әйел екі кәмелетке толмаған баласымен бірге ыс тиіп, ауруханаға түсті, деп хабарлайды Politico.kz.

Оқиға жеке тұрғын үйде болған.

Алдын ала мәліметтерге сәйкес, улануға пештің техникалық ақауы себеп болуы ықтимал. Әйел кешкі уақытта пештің қосалқы қақпағын жауып тастаған, салдарынан көміртегі тотығы жиналып қалған. Бұл туралы Ақмола облысының төтенше жағдайлар департаменті хабарлады.

Зардап шеккендердің барлығы облыстық көпсалалы ауруханаға жеткізілді. Дәрігерлердің тексеруінен соң балалардың жағдайы қанағаттанарлық деп бағаланып, амбулаторлық бақылауға жіберілді. Ал анасы қосымша ем алу үшін стационарға жатқызылды.

Облыстық денсаулық сақтау басқармасының мәліметінше, науқастың жағдайы тұрақты. Қазіргі уақытта ол неврология бөлімшесінде дәрігерлердің бақылауында.

Көкшетау пеш ТЖД Төтенше жағдай ыс тиіп улану

Бізді Google-дың негізгі дереккөздер тізіміне қосыңыз

Қосу

Көкшетауда бүтін бір отбасы ыс тиіп, уланып қалды

Көкшетау қаласында 33 жастағы әйел екі кәмелетке толмаған баласымен бірге ыс тиіп, ауруханаға түсті, деп хабарлайды Politico.kz.

Соңғы жаңалықтар