«Кудс» күштерінің қолбасшысы Каани — Израильдің басты тыңшысы болуы мүмкін

9 наурыз 2026, 17:47 1963

«Кудс» күштерінің қолбасшысы Каани — Израильдің басты тыңшысы болуы мүмкін — Фото: ашық дереккөз

Иран Ислам революциясы сақшылары корпусының (КСИР) «Кудс» күштері қолбасшысы Эсмаил Каани Израильдің басты тыңшысы болуы мүмкін деген ақпарат тарады. Кейбір мәліметтерге сәйкес, ол Ираннан құпия түрде шығарылған, деп хабарлайды Politico.kz.

Шетелдік медиа деректерінде Каанидің Израиль барлау қызметімен байланысы болуы мүмкін екені айтылып, оның бірнеше ірі операцияларға қатысы бар деген болжам жасалған.

Израильдік медиа деректеріне сүйенсек, Каани бірқатар жоғары лауазымды тұлғаларды жою операцияларында маңызды рөл атқаруы мүмкін. Атап айтқанда, ХАМАС жетекшісі Исмаил Ханияның, «Хезболла» ұйымының көшбасшылары Хасан Насралла мен Хашем Сафиеддиннің, сондай-ақ Иранның жоғарғы жетекшісі Али Хаменеи мен КСИР-дің бірнеше генералының көзін жоюға қатысы болуы мүмкін деген болжам айтылған.

Алайда бұл ақпарат ресми түрде расталған жоқ. Иран билігі де, Израиль тарапынан да аталған мәліметтерге қатысты нақты түсініктеме берілген жоқ.

Израиль Иран Соғыс тыңшы

Бізді Google-дың негізгі дереккөздер тізіміне қосыңыз

Қосу

«Кудс» күштерінің қолбасшысы Каани — Израильдің басты тыңшысы болуы мүмкін

Соңғы жаңалықтар