Мадина Сәдуақасова өзі туралы тың ақпарат айтып, елді таңғалдырды

Белгілі қазақ әншісі Мадина Сәдуақасова өзінің әскери шені бар екенін мәлімдеді, деп хабарлайды POLITICO.KZ.

Ол бұл жайында әлеуметтік желідегі жазбасында айтып өтті. Әншінің айтуынша, ол запастағы әскери қызметкер ретінде тіркелген және прапорщик шеніне дейін көтерілген. Алғашында қатардағы жауынгер ретінде әскери жолын бастаған Мадина Сәдуақасова екі жылдан кейін кіші сержант атағын алған. Кейіннен көп күш салып, прапорщик шеніне ие болғанымен, белгілі себептерге байланысты бұл шен жойылып, қайтадан запастағы кіші сержант ретінде тіркелуге мәжбүр болғанын жазды.

Бұл мәлімдеме тыңдармандар мен жанкүйерлер үшін күтпеген жаңалық болды. Әншінің әскери салада да тәжірибесі бар екені оның жан-жақтылығын дәлелдей түседі.