Оралда тоққа соғылған бала көз жұмды

Оралда тоққа соғылған бала ауруханада көз жұмды, деп хабарлайды POLITICO.KZ.

Қайғылы оқиға 30 сәуір күні кешке Исатай-Махамбет көшесіндегі №82 көпқабатты тұрғын үйдің ауласында болған. Куәгерлердің айтуынша, бала допты алу үшін электр подстанциясының төбесіне шыққан. Сол жерде оны ток соққан.

Бала денесінің 95 пайызын ауыр күйік (төртінші дәрежелі) шалып, облыстық көпбейінді балалар ауруханасына жеткізілген. Ол екі тәулік бойы жансақтау бөлімінде, өкпені жасанды желдету аппаратына қосулы жатқан. Дәрігерлер оның жағдайын өте ауыр деп бағалаған еді. 2 мамыр күні баланың қайтыс болғаны белгілі болды.

Аталған факті бойынша қылмыстық іс қозғалып, тергеу амалдары жүргізілуде.