OrdaMed компаниясының басшысы Еркін Ділімбетовке іздеу жарияланды

OrdaMed компаниясының басшысы Еркін Ділімбетовке іздеу жарияланды, деп хабарлайды Politico.kz.

«OrdaMed» АҚ басқарма төрағасы Еркін Ділімбетовке іздеу жарияланды

Бұл туралы ақпарат Бас прокуратураның құқықтық статистика және арнайы есепке алу органдарының порталында шықты.

Бағдарламадағы мәліметке сәйкес, Еркін Длімбетовке қатысты іздестіру ісі кеше, 28 қаңтарда Астанада тіркелген. Іздестіруді бастама еткен – ҰҚК. Ал іздеу жұмыстарын ҰҚК-нің Сыбайлас жемқорлыққа қарсы іс-қимыл қызметі жүргізіп жатыр.

Еске салайық, бұған дейін OrdaMed басшылығы Қазақстанда өндірілген деп көрсетілген медициналық жабдықтарды шын мәнінде шетелден тасымалдап, мемлекеттік емдеу мекемелеріне заңсыз артықшылықтармен өткізген. Тергеу мәліметіне сәйкес, схема мемлекетке 4,5 млрд теңге шығын келтірген.