Қостанайдағы өрт: "Қайырымдылық.KZ" қорына 700 млн теңге жиналды

12 қыркүйек 2022, 17:14 1216

Қостанайдағы өрттен зардап шеккендерге көмек көрсету қорына 700 миллион теңге түсті. Бұл туралы Қостанай облысының әкімі Архимед Мұхамбетов өзінің инстаграм парақшасында хабарлады.

"Мемлекет басшысы қабылдаған жедел шешімдер нәтижесінде тұрғын үй құрылысына 2,3 млрд. теңге қаражат бөлінді. Еліміздің құрылыс компаниялары үйлердің құрылысына кірісіп кетті. Мемлекетпен қатар, отандық ірі кәсіпорындар, банктер мен қайырымдылық қорлары да ортақ іске ат салысып, өз қаражаттарына бірқатар әлеуметтік нысандардың құрылысын бастады. «Жұмыла көтерген жүк жеңіл» деген. Өрттен зардап шеккендерге қол ұшын созып, гуманитарлық көмек жіберуге ат салысқан халықтың ықыласында шек жоқ. Облысымыздың ғана емес, Қазақстанның түкпір-түкпірінен азық-түлік, киім-кешек, тұрмыстық заттар тиелген жүк көліктері әлі күнге ағылып келіп жатыр. Арнайы ашылған «Қайырымдылық.KZ» қорына қазірдің өзінде 700 млн. теңгеден артық қаражат түсті", - деп жазды Қостанай облысының әкімі.

Дереккөз: "Адырна" ұлттық порталы

Архимед Мұхамбетов Қайырымдылық Қостанай Өрт

Бізді Google-дың негізгі дереккөздер тізіміне қосыңыз

Қосу

Қостанайдағы өрт: "Қайырымдылық.KZ" қорына 700 млн теңге жиналды

Соңғы жаңалықтар