Путин мамыр айында Қазақстанға келеді

Ресей президенті Владимир Путин Мемлекет басшысы Қасым-Жомарт Тоқаевтың шақыртуын қабылдады, деп хабарлайды Politico.kz порталы РФ президентінің ресми сайтына сілтеме жасап.

Мемлекет басшылары телефон арқылы сөйлесіп, Ресей президенті мамыр айының соңында Астанада өтетін Жоғары Еуразиялық экономикалық кеңестің отырысына қатысатынын растады. Қасым-Жомарт Тоқаев ресейлік әріптесін осы маңызды жиын аясында Қазақстанға мемлекеттік сапармен келуге шақырды және бұл ұсыныс ризашылықпен қабыл алынды.

Тараптар екіжақты стратегиялық серіктестік пен одақтастықты дамыту барысын талқылап, сауда-экономикалық саладағы өзара тиімді бірлескен жобаларға баса назар аударды. Сонымен қатар, күн тәртібіндегі өзекті халықаралық мәселелер бойынша пікір алмасты.

Әңгіме соңында президенттер тығыз байланыста болуға уағдаласты.

Астана Владимир Путин Жоғары Еуразиялық экономикалық кеңес мемлекеттік сапар Ресей Федерациясы Қазақстан Қасым-Жомарт Тоқаев

Путин мамыр айында Қазақстанға келеді

Соңғы жаңалықтар