«Қайрат» пен «Реал» матчына билет алуға 130 мыңнан астам адам кезекке тұрды

Алматыда өтетін «Қайрат» пен «Реал Мадрид» арасындағы кездесуге билет сатып алғысы келетін жанкүйерлердің саны 130 мыңнан асты, деп хабарлайды POLITICO.KZ. 
Ойынға билеттер 23 қыркүйек күні сағат 17:00-де сатылымға шыққан. Билеттерді Qairat SuperApp қосымшасы, «Қайрат» клубының ресми сайты, сондай-ақ Ticketon мен Freedom платформалары арқылы рәсімдей алады.
Қазіргі уақытта билет алушылар арнайы күту аймағына бағытталды.
Айта кетсек, Алматыдағы Орталық стадион шамамен 24 мың көрерменді сыйдыра алады. Билеттердің бағасы мынадай:
Батыс трибунасы – 30 000 теңге (1–9-секторлар, 1–2-қатарлар), 250 000 теңге (1–17-секторлар).
Шығыс трибунасы – 150 000 теңге (30–48-секторлар).
Солтүстік және оңтүстік трибуналар (қақпа артындағы секторлар) – 75 000 теңге (18–28 және 49–60-секторлар).