Қазақстан халқының саны 20,2 миллионға жетті

Халық саны артып жатыр

Ұлттық статистика бюросының 1 қаңтардағы дерегінше, халық саны 20 286 084 адамға жеткен. 1 жылда көрсеткіш 252 242 адамға артты.

Елде халқының саны 1 млн-нан асатын 7 өңір бар:

1) Алматы – 2 292 333 адам;

2) Түркістан облысы – 2 154 334 адам;

3) Алматы облысы – 1 560 377 адам;

4) Астана – 1 528 887 адам;

5) Шымкент – 1 256 263 адам;

6) Жамбыл облысы – 1 222 513 адам;

7) Қарағанды облысы – 1 133 984 адам.

Халық санының жылдам өсіп жатқаны Астанада байқалды. Өткен жылы елордаға 76 мың адам көшіп келген.

Қалған 7 облыста халық саны керісінше азая бастаған. Бұл тізімде бірінші рет Жамбыл облысы көш бастап тұр.

Сондай-ақ елдегі ауыл тұрғындарының саны да қысқарған. Қалаға көшіп жатқандар көбейіп жатыр. Қазір халықтың 63%-ы қалаларда тұрады.

туу тұрғындар Халық