Қазақстанда отбасын құру тенденциясы азайып барады

Қазақстанда соңғы 10 жылда некеге тұру көрсеткіші айтарлықтай төмендегені белгілі болды, деп хабарлайды Politico.kz.

Ұлттық статистика бюросының дерегінше, 2015 жылы елде шамамен 149 мың неке тіркелсе, 2025 жылы бұл көрсеткіш 116 мыңға дейін азайған. Яғни төмендеу шамамен 22 пайызды құрап отыр.  

Сондай-ақ некелесу деңгейінің коэффициенті де төмендеген. Бұрын мың адамға 8,4 неке тіркелсе, қазіргі уақытта бұл көрсеткіш 5,6-ға дейін түскен.  

Ең көп неке тіркелетін өңір ретінде Астана қаласы көрсетіліп отыр. Мамандар мұны елордаға жастар мен еңбекке қабілетті азаматтардың көптеп қоныс аударуымен байланыстырады. Ал ең төмен көрсеткіш Қызылорда облысы мен Батыс Қазақстан облысында тіркелген.  

Сонымен қатар қазақстандықтар некеге бұрынғыға қарағанда кешірек тұратын болған. Бірінші некеге тұрудың орташа жасы ерлерде 27,9 жасқа, әйелдерде 25,3 жасқа жеткен.