Қостанай облысында мәслихат төрағасы парамен айыпталуда

Қостанай облысы Бейімбет Майлин аудандық мәслихатының төрағасы пара берді деген күдікке ілінді, деп хабарлайды POLITICO.KZ.

Сыбайлас жемқорлыққа қарсы іс-қимыл агенттігінің мәліметінше, аудан мәслихатының төрағасы 2 миллион теңге көлемінде пара берді деп айыпталуда.

"Ол облыстық ішкі мемлекеттік аудит департаментінің қызметкерлеріне пара беруді ұйымдастырғаны үшін айыпталуда. Пара арқылы аудиторлық тексеру кезінде анықталған заңбұзушылықтар бойынша шаралар қабылдамауды көздеген. Бұл бұзушылықтар оның мүддесіне сай аффилирленген компаниялардың мемлекеттік сатып алу шарттарын орындамауына байланысты", – делінген агенттіктің хабарламасында.

Аталған іс бойынша аудандық мәслихат төрағасы мен бір депутат сотқа берілді.