Референдум кезінде 6 адам учаскеден шығарылды

Референдум кезінде 6 адам учаскеден шығарылған. Олардың біреуі сотқа берген. Бұл туралы Орталық референдум комиссиясының хатшысы Шавхат Өтемісов айтты., деп хабарлайды Politico.kz.

Оның айтуынша,  алты адам учаскеден түрлі себеппен қуылған. 

«Бұл – жалпы республика бойынша көрсеткіш. Соның біреуі Астана қаласында сотқа берді. Сот оның арыз-шағымын негізсіз деп таныды. Әр учаскеде ереже бекітілген. Байқаушылар ол ережемен танысып, қол қояды. Референдум кезінде ереже бұзылса, ең алдымен, ауызша ескерту беріледі. Оған көнбей, референдум болып жатқан процеске кедергі жасаса, қосымша шара қабылдауға мәжбүр болады», – дейді Өтемісов Орталық референдум комиссиясының брифингінде.