«Санкт-Петербург» деп жартасты бояған ресейлік туристер жазаланды

Сібе көлдеріндегі жартасты бүлдірген ресейлік туристер жауапқа тартылды, деп хабарлайды Politico.kz.

Шығыс Қазақстан облысындағы Сібе көлдеріне келген ресейлік туристер табиғи нысанның жартастарына бояумен «Санкт-Петербург» деп жазып, вандализм жасаған. Оқиға 22 тамызда Үшінші Шалқар көлінің маңында болған.

Туристердің жартасты бояп жатқан сәтін куәгерлер видеоға түсіріп, әлеуметтік желіге жариялаған. Осыдан кейін полиция олардың жеке басын анықтады.

Құқық қорғау органдары аталған факті бойынша Әкімшілік құқық бұзушылық туралы кодекстің 505-бабына сәйкес шара қолданды.

Енді туристер бүлінген табиғи нысанды өздері тазалап, жартастағы жазуды өшіруге міндеттелді.

Оқиға әлеуметтік желіде қызу талқыға түсіп, табиғи аумақтарға келген туристердің қоршаған ортаға ұқыпты қарауы керектігі тағы бір мәрте айтылды.

Тоқаев телефонды TikTok үшін емес, ақша табу үшін пайдалануға шақырды

Назарбаев Құрылтай сайлауына үйден дауыс берді

вандализм Полиция Ресейліктер сібе көлдері Турист Шығыс Қазақстан облысы

«Санкт-Петербург» деп жартасты бояған ресейлік туристер жазаланды

Сібе көлдеріндегі жартасты бүлдірген ресейлік туристер жауапқа тартылды, деп хабарлайды Politico.kz.

Соңғы жаңалықтар