“Тамағына тезек қосқан”: Қарағандыда 6 баланы асырап алған отбасының сұмдығы ашылды

Қарағандыда жетімдер үйінен 6 бала асырап алған отбасы сотқа тартылып жатыр, деп хабарлайды POLITICO.KZ. 

Тергеу мәліметінше, асыранды балалар ата-ана мейірімінің орнына қорлық көрген. Тамақ бермей, үнемі ұрып-соғып, ақыры біреуін мүгедек қылған. Отбасының үш мүшесіне қатысты азаптау бабы бойынша айып тағылды.

Прокурордың мәліметінше, олар балаларды түнде иттің үйшігіне қамап, малдың қиын тамағына қосып берген.

Балалардың денесінен көгерген, ұрылған, соғылған соққылар табылды. Ең кішісінің басы жарылған.

Қазір балалардың үшеуі туған әжесінің қолында. Қалған үшеуі балалар үйіне жіберілді.