Тамара Асар зауыт ашқалы жатыр

Қазақстанның еңбек сіңірген қайраткері, әнші Тамара Асар «Таңшолпан» бағдарламасына берген сұхбатында жаңа кәсіп бастауға ниетті екенін айтты, деп хабарлайды POLITICO.KZ.

Әншінің айтуынша, ол бұрыннан қазақы стильде самаурын шығаруды армандаған. Бұл идеяны жүзеге асыруға оның жолдасы көмектесіп отыр.

“Менің жолдасым өндірістің адамы, темір-терсектің айналысында жүр. Бір күні өз зауытынан самаурын шығару туралы ойымен бөлісті. Қазан айларында алғашқы өнімдеріміз шығады. Қазақы нақышта жасағымыз келеді. Қолмен атқарылатын жұмыстары көп. Қазақ бұрын психологқа бармаған. Дастархан басында шай ішіп отырып, ренішін ұмытқан. Қант қосылған шай – өзінше бір терапия. Біздің ата-бабамыз ғылыми атауын білмесе де, осының бәрін түсініп, білген”, – дейді Тамара Асар.

Әншінің бұл бастамасы ұлттық дәстүрді жаңғыртуға бағытталған.