Танымал әнші суицид жасаған күйеуінің өліміне күдіктілердің қатарына кірді

Баскетболшы Янис Тимманың өз-өзіне қол жұмсау ісі қосымша тексеруге жіберілді.

Латвиялық баскетболшы Янис Тимманың өз-өзіне қол жұмсау ісіне қатысты материалдар қосымша тергеуге қайтарылғаны хабарланды.

Белгілі болғандай, бұл қосымша тексеруді марқұмның туыстары жалдаған адвокат сұратқан.

Янистің отбасы оны суицидке итермелеуі немесе тіпті қастандықпен өлтіруі мүмкін деген күдік білдіруде. Негізгі күдіктілер ретінде спортшының бұрынғы жары Анна Седокова мен оның достары аталады. «Прокурор қорғаушы тараптың өтінішін қанағаттандырды. Енді Мәскеудің Пресненск ауданының тергеушілері қосымша тексеру жүргізуі тиіс», – делінген хабарламада.

Марқұмның туыстарының айтуынша, алдыңғы тергеу барысында Янис Тимманың Анна Седоковамен хат алмасуы назарға алынбаған. Енді олар бұл мәселе жан-жақты қарастырылады деп үміттенеді.

Янис Тимманың отбасына істің ақиқатын білу маңызды.

Еске сала кетейік, латвиялық баскетболшы Янис Тимма 2024 жылдың 17 желтоқсанында түнгі сағат бір шамасында қайтыс болған.

Оқиға спортшының Анна Седоковамен некесі жарамсыз деп танылғаннан кейін бір апта өткен соң орын алған.

Марқұмның денесінің жанында iPhone телефоны мен ішінде Аннаның нөмірі жазылған, сондай-ақ «Оған қоңырау шал» деген жұмбақ жазба табылған. Алдын ала мәліметтерге сәйкес, өлім себебі – асфиксия.