Танымал қазақстандық топ тарайтын болды

1 қараша 2024, 11:36 956

Танымал "Орда" тобы жақын арада тарайтынын жеткізді. Топ мүшелері келер жылдың ақпан айында қоштасу кешін ұйымдастыратынын жеткізді. Әйгілі "Орданың" тарайтынын топ әншісі Дастан Оразбеков хабарлады.

Осы жылғы тур біздің ортақ соңғы турымыз болмақ. 15 ақпанға үлкен қоштасу кеші жоспарланып отыр. Бұл "Орданың" 25 жылдық қоштасу концерті болады. Меніңше, тарайтын кез келді. Әрқайсымыздың жұмысымыз бар дегендей. Көңілде қимастық бар, әрине, - деді өнер иесі.

Алайда олар түбегейлі өнерден кетпейтінін жеткізді.

Ешқайсымыз өнерден түбегейлі кетпейміз. Себебі, "Нұрлан Бішкекте "Елес" тобымен өнер көрсетеді. Оның үстіне қолөнері бар. Ерболат продюсерлік жұмысын жалғастырады, үлкен мега жобалары да бар. Есболат сценарист, кино саласына бет бұрып жатыр, - деді ол Revue News бағдарламасында.

орда тобы

Бізді Google-дың негізгі дереккөздер тізіміне қосыңыз

Қосу

Танымал қазақстандық топ тарайтын болды

Соңғы жаңалықтар