Төрт баланың анасы қатыгездікпен өлтірілді: күдікті ретінде күйеуі ұсталды

Әзербайжан астанасы Бакуде 40 жастағы төрт баланың анасы Эсмира Агаларованы буындырып өлтіру дерегі бойынша тың мәліметтер белгілі болды. Қанды оқиға қаланың Бинагади ауданындағы 7-шағынауданда орын алған, деп хабарлайды Politico.kz.

Күдік марқұмның өз күйеуіне түсіп отыр. Полиция кісі өлтірді деген күдікпен әйелдің жұбайы Рафет Агаларовты ұстап, тергеу органдарына тапсырды.

Алдын ала ақпарат бойынша, әйел күйеуімен ажыраспақ болған. Соның салдарынан ерлі-зайыпты арасында жанжал шығып, қайғылы оқиғаға ұласқан.

Көршісінің айтуынша, отбасы бұл жалдамалы пәтерге бірнеше апта бұрын ғана көшіп келген.

«Олар мұнда жақында ғана қоныстанды. Сырт көзге бақытты жұп болып көрінетін. Жабық есіктің артында не болғаны бізге беймәлім. Екеуінен де ешқандай жамандық байқамадық», — дейді көршісі.

Қазіргі уақытта оқиға бойынша тергеу амалдары жүргізіліп жатыр.

Кісі өлімі Оқиға Шетел жаңалықтары Әзербайжан

Бізді Google-дың негізгі дереккөздер тізіміне қосыңыз

Қосу

Төрт баланың анасы қатыгездікпен өлтірілді: күдікті ретінде күйеуі ұсталды

Соңғы жаңалықтар