"Төрт сағатқа созылды": Кенжебек Жанәбіловке ота жасалды

"МузАРТ" тобының әншісі Кенжебек Жанәбіловке кардиологиялық орталықта ота жасалды. Әншінің қазіргі жағдайы туралы әріптесі Сәкен Майғазиев әлеуметтік желідегі парақшасында хабарлады, деп хабарлайды Politico.kz.

Сәкен Майғазиевтің жазуынша, төрт сағатқа созылған медициналық ем-шара сәтті аяқталған.

"Кенжебекке кеше кардиологиялық орталықта ота жасалып, төрт сағатқа созылған ем-шара сәтті өтті. Алла Тағала шипасын берсін. Барша медицина қызметкерлеріне мың рақмет. Сіздер де ауырмаңыздар", – деді өнер иесі.

Әнші әріптесінің тезірек сауығып, өнерге қайта оралуын тіледі. Желі қолданушылары да Кенжебек Жанәбіловке саулық тілеп, жылы лебіздерін білдіріп жатыр.

Бұған дейін Кенжебек Жанәбіловтің денсаулығы сыр беріп, жансақтау бөліміне түскені хабарланған болатын.

Денсаулық Кенжебек Жанәбілов Ота Шоу-бизнес

​"Төрт сағатқа созылды": Кенжебек Жанәбіловке ота жасалды

Соңғы жаңалықтар

"Төрт сағатқа созылды": Кенжебек Жанәбіловке ота жасалды