Трамп Қазақстанды қосымша салықпен қорқытты

Трамп БРИКС-ті қолдайтын елдерді қосымша салықпен қорқытты

Дональд Трамп БРИКС ұйымын қолдайтын елдерге қарсы қатаң экономикалық шаралар қабылдайтынын мәлімдеді. Бұл туралы ол өзінің Truth Social әлеуметтік желісіндегі парақшасында жазған.

"БРИКС-тің антиамерикалық саясатын қолдайтын кез-келген елге қосымша 10% тариф салынады. Бұл бәріне ортақ ереже. Ешкімге жеңілдік жоқ", – деп кесіп айтты Трамп.

БРИКС ұйымының қатарына Бразилия, Ресей, Үндістан, Қытай, Оңтүстік Африка және Индонезия кіреді. Бұл елдер жаһандық экономикада айтарлықтай ықпалға ие және АҚШ-тың геосаяси қарсыластары ретінде жиі аталады.

Қазақстан бұл ұйымның негізгі мүшесі болмаса да, 2025 жылдың 1 қаңтарынан бастап БРИКС елдерінің серіктесі мәртебесіне ие болады.

БРИКС Геополитика Трамп Әлем жаңалықтары