Трамп Ресеймен келіссөздердің нәтижесі туралы мәлімдеме жасады

АҚШ президенті Дональд Трамп Ресеймен келіссөздердің нәтижесі туралы мәлімдеме жасады, деп хабарлайды CNN.

CNN таратқан мәліметке сәйкес, Трамп Украинадағы соғысты реттеу бойынша бірқатар маңызды мәселелерді көтерді. Ол АҚШ-тың ұстанымын түсіндіріп, Киевке қатысты талаптарын жариялады.

Президенттің негізгі мәлімдемелері:

▪️ Украинада президент сайлауы өтуі керек. Трамптың айтуынша, соғыс жағдайына қарамастан, демократиялық процестерді жалғастыру маңызды.

▪️ АҚШ әскери күшін Украинаға жібермейді. Америка Құрама Штаттары Еуропалық Одақтың соғыстан кейінгі Украинаға бітімгершілік күштерін жіберуін қолдайды, бірақ АҚШ әскері бұл миссияға қатыспайды.

▪️ Украина алған қаржылай көмекті есептеуі тиіс. АҚШ тарапы Киевтің қаржыны қалай жұмсағанын түсіндіруін немесе жұмсалған қаражаттың бір бөлігін қайтаруын талап етпек.

▪️ Ресей Киевті жоюды мақсат етпеді. Трамптың пікірінше, егер Мәскеу қаланы толықтай қиратуды көздегенде, оны жүзеге асырар еді.

▪️ Соғысты бірнеше жыл бұрын тоқтатуға болатын еді. Трамптың айтуынша, тәжірибесі аз келіссөз жүргізушінің өзі бұл қақтығысты территориялық шығынсыз шешуге мүмкіндік алар еді.

▪️ Трамп пен Путиннің кездесуі ақпан айының соңына дейін өтуі мүмкін. Ақ үй басшысы Ресей президентімен жеке кездесу өткізуге дайын екенін жеткізді.

АҚШ президентінің бұл мәлімдемелері халықаралық қауымдастықта үлкен пікірталас туғызды. Украина тарапы мен Еуропа елдері Вашингтонның ресми позициясын нақтылау үшін қосымша түсініктеме талап етуде.