Трамп: Украина бейбіт келісімге жеткілікті ынта танытпады

АҚШ президенті Дональд Трамптың айтуынша, Украина әлі де бейбіт келісімге келуге жеткілікті деңгейде ұмтылыс көрсеткен жоқ. Бұл туралы ол журналистерге берген сұхбатында мәлімдеді, деп хабарлайды POLITICO.KZ РИА Новостиге сілтеме жасап.

"Менің ойымша, олар минералдарға қатысты келісімге қол қояды. Бірақ біз олардың мұны жасауын қалаймыз. Мен олардың шынайы түрде бейбітшілікке ұмтылғанын қалаймын, солай емес пе? ... Қазірге дейін олар мұны қажетті деңгейде көрсете алмады. Бірақ мен олардың бұл қадамға баратынына сенемін, және бұл алдағы екі-үш күн ішінде айқын бола түседі," – деді Трамп.

Ақ үйдің бейсенбі күні хабарлауынша, қақтығысқа қатысушы тараптармен келіссөздер жалғасуда. Осы аптада Сауд Арабиясында бейбіт реттеу мәселелері бойынша жаңа кездесу жоспарланған.