ҰҚК Абай аудандық соты төрағасына қатысты тергеу жүргізіп жатыр

Қазақстанның Ұлттық қауіпсіздік комитеті Абай аудандық сотының төрағасы Мұрат Букбаевқа қатысты тергеу жүргізіп жатқанын растады, деп хабарлайды Politico.kz

Бұл туралы Ұлттық қауіпсіздік комитеті редакциямыз жолдаған сұраққа берген ресми жауабында мәлімдеді.

«Сотқа дейінгі тергеп-тексеру жүргізіліп жатқанын хабарлаймыз. Қылмыстық-процестік кодекстің 201-бабының 1-тармағына сәйкес өзге ақпарат жария етуге жатпайды», – делінген комитеттің жауабында.

Айта кетейік, бұған дейін Абай облыстық мәслихатының бұрынғы депутаты Серік Байғалиев судья Мұрат Букбаев үкімді өзгерту үшін ірі көлемде ақша талап етті деген күдікпен ҰҚК тарапынан тергеліп жатқанын хабарлаған болатын.

Мұрат Букбаев Серік Байғалиев судья тергеу ҰҚК