Вашингтон Ресейге салынған санкцияларды жеңілдетуге дайындалуда

АҚШ Ресейге қарсы санкцияларды жұмсарту жоспарын әзірлеп жатыр, деп хабарлайды POLITICO.KZ. Бұл туралы Reuters агенттігі екі дереккөзге сілтеме жасап мәлімдеді.

Агенттік дереккөздерінің хабарлауынша, Ақ үй Мемлекеттік департамент пен Қаржы министрлігіне Ресеймен дипломатиялық және экономикалық байланыстарды жақсарту үшін қандай санкцияларды жеңілдетуге болатынын анықтауды тапсырған.

Жекелеген адамдар мен компанияларға салынған санкцияларды алып тастау мәселесі де қарастырылуда. Бұл тізімге бизнесмендер де кіруі мүмкін, бірақ олардың есімдері аталмады.

Дереккөздер санкцияларды жұмсарту жоспары Трамптың Қырым аннексиясынан кейін енгізілген шектеулерді ұзартқанға дейін басталғанын атап өтті.

Вашингтон санкцияларды жеңілдету орнына Ресейден қандай талаптар қойылатынын әлі нақтыламады.

Ақпан айында АҚШ пен Ресей делегациялары 18 ақпанда Эр-Риядта және 27 ақпанда Стамбулда ұзақ үзілістен кейін келіссөздер өткізген. Соңғы кездесуде АҚШ Мемлекеттік департаменті мен Ресей Сыртқы істер министрлігі екі елдің елшілік жұмыстарын жандандыру мәселесін талқылады.

Мәскеу сондай-ақ, АҚШ-пен әуе тасымалын қалпына келтіруді ұсынған.

Трамп Ресейге салынған санкцияларды жеңілдету мәселесін көтергенімен, нақты мерзімдер мен шарттарды жариялаған жоқ.

Санкциялар қалай алынып тасталуы мүмкін?
Трамп санкцияларды президенттік жарлық арқылы жеңілдете алады. Бірақ кейбір шектеулерді жою үшін Конгрестің мақұлдауы қажет.

Вашингтонның бұл қадамы АҚШ пен Ресей арасындағы қатынастарға қалай әсер ететіні әзірге белгісіз.