Зеленский Брюссельде Еуропалық Кеңес саммитіне келді

Украина президенті Владимир Зеленский 6 наурызда Брюссельге ресми сапармен барды, деп хабарлайды POLITICO.KZ.

Украина президентінің баспасөз хатшысы Сергей Никифоровтың айтуынша, сапар аясында Зеленский бірқатар маңызды кездесулер өткізеді.

Алдымен Зеленский Бельгия премьер-министрі Барт де Вевермен келіссөздер жүргізеді. Одан кейін Еуропалық Кеңес төрағасы Антониу Кошта және Еуропалық комиссия президенті Урсула фон дер Ляйенмен кездесулер жоспарланған.

Кездесулерден кейін Украина президенті Еуропалық Кеңестің арнайы отырысына қатысып, сөз сөйлейді.

Сонымен қатар, Зеленский Австрия канцлері Кристиан Штокер, НАТО Бас хатшысы Марк Рютте және Бельгия королі Филипппен кездеседі.

Еуроодақ саммиті мен Украинаға қатысты жоспарлар

Брюссельде 6 наурызда өтетін Еуропалық Кеңестің арнайы саммиті еуропалық қорғаныс және Украинадағы жағдайға арналмақ.

Зеленский бұған дейін Украина мен Еуропаның тұрақты бейбітшілік жоспарын әзірлеп жатқанын мәлімдеген.

АҚШ президенті Дональд Трамппен келіссөз жүргізу үшін бұл жоспарды алдымен Ұлыбритания және Франция көшбасшылары қарастырады. Ұлыбритания премьер-министрі Кир Стармер бұған дейін Украинаға қатысты ортақ стратегия әзірленіп жатқанын, ал кейін ол Вашингтонға ұсынылатынын хабарлаған еді.

Зеленскийдің Брюссельдегі сапары аясында Украинаның қорғаныс мүмкіндіктерін күшейту, НАТО-мен серіктестікті дамыту және ЕО елдерімен қауіпсіздік ынтымақтастығы басты назарда болмақ.