Жамбыл облысында жер қатынастары бөлімінің басшысы парамен ұсталды

Жамбыл облысында Ұлттық қауіпсіздік комитетінің (ҰҚК) қызметкерлері жер қатынастары бөлімі басшысының міндетін атқарушы Нұржан Әжібаевты пара алды деген күдікпен құрықтады деген ақпарат таралды, деп хабарлайды Politico.kz.

Желіде шенеуніктің ұсталған сәті түсірілген видео тарағанымен, құзыретті органдар әзірге бұл жағдайға қатысты ешқандай ресми түсініктеме берген жоқ.

Дереккөздің мәліметіне сүйенсек, күдікті 250 мың теңге көлемінде заңсыз сыйақы алды деп айыпталып отыр, алайда бұл қаражатты кім және қандай мақсатта бергені әзірге белгісіз. Операция барысында қызметкерлер Нұржан Әжібаевты өз жұмыс кабинетіне кіргізген және ол сол жерде бірнеше сағат бойы болған.

Politico.kz бұл ақпараттың рас-өтірігін анықтау мақсатында Ұлттық қауіпсіздік комитетіне ресми сауал жолдады.

Айта кетейік, бұған дейін ҰҚК Ақтау қаласында мамандандырылған тергеу сотының төрағасына қатысты қылмыстық іс қозғалғанын растаған болатын.

Жамбыл облысы Нұржан Әжібаев ҰҚК

Жамбыл облысында жер қатынастары бөлімінің басшысы парамен ұсталды

Соңғы жаңалықтар