Өскеменде жаңа жыл түні көпқабатты үйде өрт болды

Көпқабатты үйдегі өрт кезінде 7 адам эвакуацияланды

Жаңа жыл түні Өскемендегі көпқабатты үйде өрт болды, деп хабарлайды POLITICO.KZ.

Оқиға Қазақстан көшесінде орналасқан үйдің жетінші қабатында тіркелді. Бұл туралы ШҚО ТЖД хабарлады.

«Келген өрт сөндірушілер баспалдақ арқылы 7 тұрғынды, соның ішінде 2 баланы эвакуациялады. Өрт 4 шаршы метр аумақта жылдам сөндірілді. Зардап шеккендер жоқ», — деп мәлімдеді ТЖД өкілдері.

Оқиға орнынан түсірілген кадрларда балконның ашық жалынмен жанып жатқанын байқауға болады. Сонымен қатар, сол уақытта аспанда жаңа жылдық отшашулардың дауысы естіліп тұрды. Өрттің нақты себебі әзірге анықталған жоқ.

#Өскемен