Жапон жігіті Токионың қақ ортасында домбыра шертіп таң қалдырды

Әлеуметтік желілерде жапон жігітінің Токио көшелерінде домбыра тартып отырған видеосы тарады. Қазақстандық қыз оны түсіріп, желіде жазба қалдырған, деп хабарлайды POLITICO.KZ.
Қыздың айтуынша, ол музыкантты әйгілі Мэйдзи ғибадатханасы орналасқан саябақтың кіреберісінде, Токионың ең көрнекті орындарының бірі - Харадзюку станциясының маңында кездестірген.
Пікірлерде қазақстандық қолданушылар жігітті бірден таныды. Оның аты - Акира екен. Ол тек домбыраға қызығып қана қоймай, қазақ мәдениетіне де терең бойлаған болып шықты.
Алматыда болған кезінде Акира музыка мектептеріне барып, кейін белгілі қазақстандық композиторлармен де танысқан, бірге өнер көрсеткен.