Жастардың 70%-ы жыныстық қатынасқа 15 жасқа дейін түседі - акушер-гинеколог

Қазақстандағы жыныстық сауат мәселесіне қатысты форумда акушер-гинеколог Айжан Төреханова жасөспірімдер арасындағы ерте жүктілік бойынша қай аймақтың көш бастағанын айтты.

Жастар үлкендерге еліктеп, жыныстық өмірін ерте бастайды. Қорғану әдістері туралы білімнің аздығы да білінеді. Қазір жастардың 70%-ы алғашқы жыныстық қатынасқа 15 жасқа дейін түседі. Отбасы мен білім беру орындарында жыныстық тәрбие берілмеген соң дұрыс сақтанбай, жүкті екендерін кеш біледі, – деді акушер-гинеколог.

Айжан Төреханова жасөспірімдер ондайда ата-ана мен өзгелердің сөзінен қорқып, өз мәселесімен жалғыз қалады деген пікірде.

Денсаулық сақтау министрлігінің дерегіне сәйкес, 2023 жылы 18 жасқа толмаған 2 105 қыз жүкті болды. Жүкті қыздар көбіне Түркістан, Маңғыстау, Алматы облыстарында тіркелді. 18 жасқа толмай босанғандар саны – 1 420, – дейді ол.

Фото: Алаш айнасының иллюстрациясы

#акушер-гинеколог #жастар #жыныстық қатынас #қыздар