"Жөндеу жұмыстары шынымен сапасы нашар жерде жүргізілсін": Дархан Сатыбалды Алматыдағы жол жөндеу жұмыстарына жаңа талап қойды

Алматы әкімі Дархан Сатыбалды жиектастар мен асфальтты «жәй есеп үшін» ауыстыруды сынға алды

Алматы қаласының әкімі Дархан Сатыбалды көше жолдарын жөндеуге қатысты орынсыз бастамаларға қарсы пікір білдірді. Ол жақсы күйдегі асфальт пен жиектастарды тек есеп беру үшін ғана ауыстыруға үзілді-кесілді қарсы екенін айтты.

"Жөндеу жұмыстары шынымен де сапасы нашар, шұңқыры, жарығы бар жерлерде жүргізілуі тиіс. Әйтпесе, бұл қаражатты желге шашқанмен бірдей", – деді әкім.

Қала билігі енді жол жөндеу саласындағы мердігерлік тәртіпті реттеп, бюджет қаражатын шынайы қажеттілікке бағыттамақ.