«Ата-анаң Құдай ма?»: Қанат Айтбаев сәлем салмайтын келіннен қорқады

25 қыркүйек 2024, 11:58 3350

«Ата-анаң Құдай ма?»: Қанат Айтбаев сәлем салмайтын келіннен қорқады

Әлемге әйгілі әнші Димаш Құдайбергеннің әкесі Қанат Айтбаев келіннің сәлем салуына қатысты өз ойын білдірді. Ол алдымен үлкенге құрмет көрсетіп, сәлем салу келіннің сыйластығы мен ізеттілігін арттыратынын атап өтті.

Қазір келіннің «Ата-анаң Алла ма, Құдай ма? Сәлем салмаймын адамға» деп айтып жатқанын естіп қалғанда, тосырқап қаламын. Келіннің үлкенге сәлем салуының 3 факторы бар: келін қайын ағасына сәлем етеді, өзінен үлкен апаларына сәлем етеді, ата-анасына сәлем етеді. Сәлем салған кезде қайын аға өзінің орнын біле қояды. Ол аға екенін біліп, салмақты формасына келеді. Қайын апа да өзінің салмақты формасына келеді. Кіші ізет жасап тұрғанда, «Бақытты бол!» деп батасын береді. Ортада бір сыйластық қалыптасады. Ата мен енеге сәлем салғанда, ол да «Бақытты бол! Өркенің өссін!» дейді. Келіннің ештеңесі кеміп қалмайды, жақсы сөз естіп, жақсылыққа ұмтылатын бір ұрпақ тәрбиесі қалыптасады, - деді Қанат Айтбаев.

Желі қолданушылары оның айтқандарымен келісіп, әншіге деген ризашылықтарын білдіріп жатыр. Фото: instagram.com/kanat_sveta_aitbayevtar

Димаш Құдайберген Келін сәлем салу Қанат Айтбаев

Бізді Google-дың негізгі дереккөздер тізіміне қосыңыз

Қосу

«Ата-анаң Құдай ма?»: Қанат Айтбаев сәлем салмайтын келіннен қорқады

Соңғы жаңалықтар