Қатыгездікпен өлтірді дегенді алып тастау қажет – Бишімбаевтың адвокаты

Бұрынғы ұлттық экономика министрі Қуандық Бишімбаев пен оның інісі Бақытжан Байжанов ісі апелляция сатысында қаралып жатыр,-деп хабарлайды politico.kz

Бишімбаевтың адвокаты Ерлан Ғазымжанов сот үкімімен келіспейтінін айтып, «Аса қатігездікпен адам өлтіру» бабын ауыстыруды ұсынды. Оның айтуынша, 99-бап бойынша тағылған айыпты мүлдем алып тастап, істі жаңа құраммен қайта қарау керек.

Мен Бишімбаевтың адвокаты ретінде бұл үкіммен келіспеймін: ҚК-нің 99-бабының 2-бөлігінің 5-тармағы бойынша «Аса қатыгездікпен адам өлтіру» бабын өзгертіп, оның әрекетін ҚК-нің 106-бабының 3-бөлігімен «Абайсызда өлімге әкеп соқтырған денсаулыққа ауыр зиян келтіру» деп қайта қарауды сұраймыз, – деді адвокат.

Бишімбаевқа қылмыстық кодекстің 110-бабы 2-бөлігі 1-тармағы (қинау) бойынша 7 жыл тағайындалды. Ал 99-баптың 2-бөлігі, 5-тармағы бойынша 20 жылға бас бостандығынан айырылды. Түпкілікті 24 жыл берілді.